స్టార్ట్ మా టీవీలో ప్రసారమవుతున్న సీరియల్ 'బ్రహ్మముడి'(Brahmmudi). ఈ సీరియల్ శనివారం నాటి ఎపిసోడ్ -927 లో... రాహుల్ తో అప్పు అనుమానంగా మాట్లాడుతుంది. నా మొగుడు ఎలా కన్పిస్తున్నాడే అని అప్పుని స్వప్న కోప్పడుతుంది. అది కాదు అక్క అని అప్పు సర్ది చెప్తుంది. మనం ఇప్పుడు ఉన్న పరిస్థితి ఏంటి.. మీ గొడవ ఏంటని ఇద్దరిపై అరుస్తుంది ఇందిరాదేవి. డాక్టర్ వచ్చి ఏంటి ఈ గొడవ అని అనగానే సారీ డాక్టర్ ని సుభాష్ చెప్తాడు. 

మరొకవైపు హోమ్ మినిస్టర్ ధర్మేంద్ర భార్య ప్రెగ్నెంట్ తో ఉంటుంది. డాక్టర్ ఇంటికి చెకప్ చెయ్యడానికి వస్తాడు. బేబీ బాగుందని చెప్తాడు. ఇప్పటికే రెండుసార్లు కడుపులోనే కన్నుముసింది అని ధర్మేంద్ర భయపడుతాడు. ఈ సారి అలా ఏం జరగదు సర్ హాస్పిటల్ మీది.. మీ బిడ్డని రెండు సార్లు కాపాడలేదు అన్న గిల్టీ ఉంది ఈ సారి అలా కాదని మినిస్టర్ కి హామీ ఇస్తాడు డాక్టర్. అదంతా మినిస్టర్ భార్య విని దగ్గరికి వస్తుంది. నాకు ఈసారి భయంగా ఉందని టెన్షన్ పడుతుంటే మినిస్టర్ ధైర్యం చెప్తాడు. 

మరొకవైపు నా భర్త నా దగ్గరికి రావాలి.. అప్పుడే ఆపరేషన్ అని కావ్య మొండిగా ఉంటుంది. అప్పుడే కళ్యాణ్ వచ్చి వదిన అన్నయ్య వస్తున్నాడు. మీరు దైర్యంగా ఉండమని చెప్తాడు. దాంతో కావ్య కూల్ అవుతుంది బీపీ నార్మల్ కి వస్తుంది. 

ఆ తర్వాత ఎందుకు అక్కతో అలా చెప్పావ్.. బావ వచ్చే సిచువేషన్ లేదు కదా అని అప్పు అనగానే వదినకి అబద్ధం చెప్పానని కళ్యాణ్ అనడం కావ్య వింటుంది. 

మరొకవైపు స్టేషన్ కి ఒక రౌడీని అరెస్ట్ చేసి తీసుకొని వచ్చి సెల్ లో వేస్తారు. అప్పుడే కావ్య గురించి రాజ్ ఆలోచిస్తాడు. అ తర్వాత మినిస్టర్ భార్య హాస్పిటల్ లో అడ్మిట్ అవుతుంటే హాస్పిటల్ లో హడావిడి చేస్తారు. 

తరువాయి భాగంలో స్టేషన్ లో ఉన్న రాజ్ దగ్గరికి కావ్య వెళ్తుంది. నేను వస్తాను నువు వెళ్లి ఆపరేషన్ చేయించుకోమని కావ్యతో రాజ్ చెప్పి పంపిస్తాడు. అ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.